"Aroa eta mirariak": magia saioa familientzat

Asier Kidam magoaren eskutik, familientzako magia saio hau burutuko da Umeen Liburutegian "Haur liburuaren nazioarteko eguna" ospatzeko.

Esperimentu benetan magiko honetan Asier Kidamek bere azken sormen-lanak erakutsiko dizkigu. Umoreak eta soinu-banda zaindu batek inguratuta, publikoak mirari txikiak bizitzeko aukera izango du: botere handiak dituen aro bat, ardi jostalariak… baita magia egiten duen pelutxe bat ere.