UEUko ikastaroen matrikulazio-epea zabalik

UEUk 53. Udako Ikastaroen matrikulazio-epea ireki du. 20 jardunaldi eta ikastaro antolatu ditu hainbat eragilerekin elkarlanean. Horietatik batzuk Eibarko Markeskoa eraikinean emango dira. Eibarko Udalak herritarrei gogorarazi nahi die ikastaroak egiteko dirulaguntzen eskaera-epea ere zabalik dagoela.

Honako hau da Eibarko eskaintza:

• Badago alternatiba! Taupada atzerakoiari Euskal Herrian aurre egin. (Ekainak 13)
• Gizarte Ekonomiako Euskal Ikertzaileen Topaketa. (Eibar, ekainak 17)
• Berrikuntza Pedagogikoari buruzko hausnarketa kritikoa. (Uztailak 1-3)
• Benetan inklusiboa al da gure hezkuntza ikasle gorrentzat? Interpreteaz haratago, hizkuntza, identitatea eta komunitatea erdigunean. (Eibar, uztailak 1)
• Informazio eta Dokumentazio Kudeatzaileen XI. Bilkura: Euskal liburutegi nazionala: iragana, oraina eta geroa. (Uztailak 3)
• Euskal literatura eta arte garaikideen irakurketa feministak eta queerrak. Espazioak, afektuak eta erresistentziak. (Uztailak 10)
• Analitika digitala euskarazko hedabideetan: erronka handi bat. (Irailak 11 eta 12)