Kalean Ehuntzeko Munduko Eguna
Hurrengo ekainaren 11n Kalean Ehuntzeko Munduko Egunean, 20 erakunde baino gehiagok Euskadiko 7 puntutan, kalearen konkista aldarrikatuko dute lelo honen bitartez: "Kaleak gureak dira".
Honako hauek dira aldarrikapen eta jai ekitaldi honen helburuak:
- Ehuntzearen artea aldarrikapen feministarako tresna bihurtzea "Kaleak gureak dira" lelopean.
- Eremu publikora ateratzea emakumeei eta eremu pribatuari lotuta egoteagatik baliogabetutako diziplinak.
- Auzoa eraikitzeko eta ehuntzeko hurbiltasuneko harreman afektiboei balioa ematea, era kolektiboan eraiki eta ehuntzeko asmoz.
- Lanen atzean dagoen jakinduria eta savoir faire guztia ikusaraztea, eta gure arbasoek itzalean egindako lanaren balio kalkulaezina ohoratzea.
Eibarren 10:00etatik 13:00etara Anbulategiaren plazan izango da.
