Udalak 6.000 euro bideratuko ditu Venezuelako lurrikarek kaltetutako pertsonei laguntza humanitarioa emateko
Horrela, udalak elkartasuna adierazi nahi die herrialdean azken urteetan izan den hondamendi natural handienetako batek kaltetutako biztanleei.
Eibarko Udalak, Alkatetzak proposatuta, 6.000 euroko dirulaguntza emango du, joan den ekainaren 24an Venezuela astindu zuten lurrikara suntsitzaileek kaltetutako pertsonei laguntzeko.
Lurrikarek krisi humanitario larria eragin dute: milaka pertsona hil eta zauritu dira, eta kalte handiak izan dira etxebizitzetan, osasun-zentroetan, azpiegituretan eta funtsezko zerbitzuetan. Etengabe dihardute larrialdietako lanak egiten, eta familia ugarik oraindik oinarrizko baliabiderik gabe jarraitzen dute.
Ekarpen honekin, Eibarko Udalak elkartasuna adierazi nahi dio Venezuelako herriari eta hondamendi honen ondorioak arintzen lagundu, kaltetutako herritarren behar premiazkoenei erantzunez.
Udalak partida bat aurreikusten du aurrekontuetan natura-hondamendietarako, larrialdi humanitarioko egoerei azkar erantzun ahal izateko, eta horren kargura egingo da dohaintza. Aurreko urteetan ere Udalak ezohiko dirulaguntzak bideratu ditu hondamendi naturalek eta krisi humanitarioek eragindako ondorioei aurre egiteko.
Beste albiste batzuk
