Udal-webgunera egindako bisita kopurua % 5,45 igo zen 2018an, aurreko urtearekin alderatuta

2019/01/22
Udalaren www.eibar.eus web-orriak 321.375 bisita izan zituen iaz. Eta, guztira, 157.861 bisitari izan ziren. Datuek argi erakusten dute bisitak igo egin direla 2017 urtearekin alderatuta; zehazki, 16.597 bisita gehiago izan zituen webak. 2018an, erabiltzaileek gehien erabili zuten hizkuntza gaztelania izan zen eta, jarraian, euskara. Aurreko urteetan bezala, Eibar, Donostia eta Bilbotik jaso zituen 2018an bisitari gehien udalaren web-orriak.

Eibarko Udalaren web-orrira -www.eibar.eusegindako bisita kopuruak gora egin zuen 2018an, aurreko urtearekin alderatuta. Hala, udal-webgunearen bisita kopurua % 5,45 igo zen iaz. Guztira, udalaren web-orriak 157.861 erabiltzailek edo bisitarik egindako 321.375 bisita edo saio izan zituen. Datuek argi erakusten dute bisita kopurua igo egin dela 2017arekin konparatuta; izan ere, 16.597 bisita edo saio gehiago izan ziren. Gainera, bisita kopuru handiena 2018ko martxoaren 19an -2.546 saiorekin, guztira- eta 2018ko urtarrilaren 5ean -1.661 bisitarekin- izan ziren.

Gaztelania, hizkuntzarik erabiliena

Bestalde, udal-webguneko erabiltzaileek 2018an gehien erabili zuten hizkuntza gaztelania izan zen; % 77k, zehazki. Euskara, berriz, % 23k aukeratu zuten.

Erabiltzaileen jatorria

Espainiatik jaso zituen bisitari gehien 2018an udal webguneak; rankinean, AEB (Ameriketako Estatu Batuak), Peru eta Mexiko datoz ondoren. Halaber, Euskal Herrian, Eibar, Donostia eta Bilbo hirietatik jaso zituen bisitari gehien www.eibar.eus web-orriak; sailkapenean lehenengo posizioetan 2017ko hiri berdinak izan ziren iaz.

Gehien ikusitako atalak: Kultura eta Tramiteak

2018an, erabiltzaileek, guztira, 941.206 orrialde ikusi zituzten Eibarko Udalaren web-orrian; 727.875 gazteleraz (% 77) eta beste 213.331 orrialde euskaraz (% 23). Gazteleraz gehien ikusitako atalak Kultura, Tramiteak eta zerbitzuak, Udala, Agenda eta Albisteak izan ziren. Bestalde, bisitariek euskaraz gehien ikusi zituzten orrialdeak honako hauek izan ziren: Tramiteak eta zerbitzuak, Kultura, Udala, Abisuak eta Albisteak.

Mugikorren erabilerak ere gorantz jarraitu du eta bisitarien % 48,86 izan da gure webgunera sakelakotik sartu dena. Bestalde, ordenagailuetatik sartu direnen kopurua % 46,75 izan da eta gainontzeko % 4,39 tabletetatik.

Sare sozialen bidez ere bisita kopuru handia lortu zuen udal-webguneak 2018 urtean. Iaz, 321.375 bisita edo saio izan ziren guztira, eta 17.780 gizarte-sareen bitartez izan ziren. Eibarko Udalaren Facebook-eko orrialdearen bidez, 14.526 saio edo bisita lortu ziren, eta Twitterreko kontu ofizialetik, 3.172 bisita.

Udal-webgunera egindako bisita kopurua % 5,45 igo zen 2018an, aurreko urtearekin alderatuta

Udal-webguneko orrialde nagusia.