'On Ekin' enpresa-ideia eta -proiektuen lehiaketaren edizio berri batek enpresen eta ekintzaileen ekimenak sustatzen lagunduko du
'On Ekin' enpresa arloko ideia eta proiektuen lehiaketaren VIII. edizioaren aurkezpena.
Ekimenaren helburua sormena sustatzea eta bultzatzea da, bai eta pertsonen eta enpresen ekimenak babestea ere, merkatuan funtzionatzeko aukera ematen duten negozio-kontzeptuak jasotzen dituzten proiektuak eta ideiak landuz. Proiektuak edo ideiak urriaren 7ra arte aurkeztu ahal izango dira, eta interesatuek mezu bat bidali beharko dute honako posta elektronikora: onekin@ekingune.com.
On Ekin enpresa-ideia eta -proiektuen lehiaketak VIII. edizioa ospatuko du aurten, aurreko edizioetako helburu berarekin: enpresen eta ekintzaileen ekimenak sustatzea eta gure ingurunearentzako enplegu eta aberastasun gehiago sortzea. Gainera, sormena sustatu eta bultzatu nahi da, eta pertsonen eta/edo enpresen ekimenak bultzatu, merkatuan funtzionatzeko zantzuak dituzten negozio-kontzeptuak jasotzen dituzten proiektuak eta/edo ideiak landuz.
Gaur, urriak 1, Eibarko udaletxean egin den edizio berriaren aurkezpenean, Miguel de los Toyos alkateak, Maialen Guisasola Ekinguneko presidenteak, Mariella Saitz Axako aseguru-agenteak eta Jesús Ángel Bravo APPSAMBLEA enpresako CEOk parte hartu dute.
Lehiaketak bi fase ditu. Lehenengoan, eragile ekonomiko eta sozial desberdinetako ordezkariek osatutako epaimahaiak aurkeztutako proiektu/ideia bakoitzaren balorazioa egingo du. Proiektuak/ideiak aurkezteko azken eguna 2020ko urriaren 7a, asteazkena, da. Hautagaitzak helbide elektroniko honetara bidali beharko dira: onekin@ekingune.com.
Bigarren fasean, urriaren 22an, 'On Ekin' ekitaldian, hiru proiektu irabazleen azken aukeraketa egingo da, epaimahai baten bidez. Gainera, "sari herritarra" izenekoa egongo da, parte hartzaile guztien bozketaren bidez aukeratuko dena. On Ekin ekitaldiko izen-emate bakoitzetik 5 euro bilduko dira sari horretarako.
Aurtengo lehen saria 2500 eurokoa izango da, bigarrena 1000 eurokoa, eta hirugarrena eta azkena 300 eurokoa, Mariella Saitz Martinez Axa aseguru etxeko agente esklusiboaren kortesiagatik.
Afarira joateko aukera izango du bertan parte hartu nahi duen edonork, aurkeztutako proiektuekin lotuta egon edo ez. Interesatuek onekin@ekingune.com helbide elektronikoaren bidez baieztatu beharko dute beren asistentzia, eta 30 euro ordaindu beharko dituzte modalitate presentzialerako, eta 5 euro online moduan parte hartzeko, 2020ko urriaren 19a baino lehen, ES94 2100 1883 9502 0021 0124 kontu zenbakian.
Aurtengo edizioan, COVID-19ren pandemia dela eta, aurrez aurre parte hartu ahal izango da, edukiera bete arte (30 lagun gehienez), baita online ere. Beraz, izena emateko postan adierazi beharko da aurrez aurre edo modu birtualean parte hartu nahi den.