'On Ekin' enpresa-ideia eta proiektu lehiaketaren X. ekitaldia datorren ostegunean, urriak 27, egingo da Errebal Plazan

On Ekin 'ideia eta enpresa proiektuen lehiaketaren X. ekitaldia aurkezteko egindako prentsaurrekoaren irudia.

2022/10/21

Ekimenaren helburua sormena bultzatzea da, bai eta pertsonen eta enpresen ekimenak babestea ere, merkatuan funtzionatzeko aukera ematen duten negozio-kontzeptuak jasotzen dituzten proiektuak eta ideiak landuz.

On Ekin enpresa-ideia eta -proiektuen lehiaketak X. edizioa ospatuko du aurten, aurreko edizioetako helburu berarekin: enpresen eta ekintzaileen ekimenak sustatzea eta gure ingurunearentzako enplegu eta aberastasun gehiago sortzea. Gainera, sormena bultzatu nahi da, eta pertsonen eta/edo enpresen ekimenak bultzatu, merkatuan funtzionatzeko zantzuak dituzten negozio-kontzeptuak jasotzen dituzten proiektuak eta/edo ideiak landuz.

Gaur, urriak 21, Eibarko udaletxean egin den edizio berriaren aurkezpenean Jon Iraola alkateak, Ana Telleria Garapen Ekonomiko, Enplegu eta Berrikuntza saileko zinegotziak, Leire Berasaluze Ekingune elkartearen presidentea eta Sare Translations enpresaren zuzendariak eta Leticia Sánchez Ekingune elkartearen koordinatzaileak hartu dute parte.

Joan den urriaren 17an proiektuak eta ideiak aurkezteko epea amaituta, Ekinguneko arduradunek aurreratu dute guztira 12 proiektu aurkeztu direla aurten, "ekonomia zirkularraren eta sozialaren aldeko apustu garbia egiten duten proiektuak", adierazi du Leire Berasaluzek. Lehenengo fasean, hainbat eragile ekonomiko eta sozialen ordezkariek osatutako epaimahaiak aurkeztutako proiektu/ideia bakoitzaren balorazioa egin du.

Bigarren fasean, datorren ostegunean, urriaren 27an, 19:00etan hasiko den On Ekin ekitaldian, On Ekin Sariaren azken aukeraketa egingo da epaimahai baten bidez. Gainera, "Sari Herritarra" izeneko bat egongo da, ekitaldian parte hartzen duten guztiek bozkatuta aukeratuko dena.

Ekitaldira parte hartu nahi duen orok joan ahal izango du, aurkeztutako proiektuekin lotuta egon edo ez. Interesatuek INPRIMAKI baten bidez baieztatu beharko dute bertaratuko direla, eta 30 euro ordaindu beharko dituzte, ES74 3008 0171 6143 4344 5328 kontu-zenbakian, 2022ko urriaren 25a baino lehen.

On Ekin saria 2.000 eurokoa izango da, eta "Sari Herritarra", berriz, 1.000 eurokoa gutxienez, zeina afarian, bertara etorri direnen artean bilduko den kantitatean areagotuko den. Sariaren zenbateko osoa ekitaldiaren egunean bertan jakinaraziko da.

Jon Iraola alkateak Ekingune zoriondu du hamar urte hauetan egindako lanagatik, eta On Ekin bezalako ekimenetan parte hartzera animatu ditu ekintzaile guztiak. Bestalde, Ana Telleria zinegotziak "Ekingune Eibarko ekintzailetzaren ekosisteman edukitzearen garrantzia" azpimarratu du, eta hirian egiten duten lana eskertu du.

Egitaraua

19:00. Ongietorria. Photocall-en aurkezpena Errebal Plazian. Eibar.

19:15. ON EKIN lehiaketaren aurkezpena. 10.urteurrenaren bideoa.

19:30. Hitzaldia

20:00. Proiektu finalisten aurkezpena.

20:45. ON EKIN saria aukeratzeko epaimahaiaren bilera

20:45. SARI HERRITARRAREN bozketa.

21:00. ON EKIN afaria

22:30. Sari banaketa

23:00. Agurra eta familia argazkia. Musika emanaldia Errebal Plazan