Edukira salto egin | Salto egin nabigazioara

Indarrean bi prebentzio-neurri berri: udal-konfinamendua eta gehienez 4 pertsona elkartzea

2021/01/25

Indarrean jarraitzen du Euskadiko eta Lurralde Historikoko perimetro-konfinamenduak, gaueko mugikortasunaren mugak 22:00etan, eta jardueren eteteak 21:00etan. Era berean, ostalaritza 20:00etan ixteko ordutegiari eutsiko zaio, baita establezimendu horien itxierari ere, 500/100.000 biztanletik gorako tasa duten udalerrietan.

Gaurtik aurrera, urtarrilak 25, indarrean sartuko dira Eusko Jaurlaritzak hartutako neurri berriak, Covid-19aren hedapena Euskadin are gehiago geldiarazteko. Hala, adibidez, EAEko (Euskal Autonomia Erkidegoa) udalerri guztien perimetroa itxi da, eta mugakide diren udalerrietara mugitzea ere debekatu da, bai eta eremu publiko eta pribatuetan egiten diren bilera edo topaketa sozial guztietarako ezarritako 4 pertsonako gehieneko muga ere.

Bi neurri horiek joan den larunbatean, urtarrilaren 23an, EHAAn (Euskal Herriko Agintaritzaren Aldizkaria) argitaratutako dekretu berri batean kontsulta daitezke, eta bat egiten dute duela aste batzuetatik indarrean dauden murrizketekin:

  • Euskadiko itxitura perimetrala (udalaren itxitura perimetrala barne). Gaueko mugikortasun-muga: 22:00etatik 06:00etara.
  • Merkataritza- eta kultura-jarduerak bertan behera uzteko gehieneko ordutegia, 21:00etan.
  • % 40ko edukiera 150m2-tik gorako merkataritza-establezimenduetan, eta % 60koa 150m2-rainoko azalera dutenetan. Edukiera murriztuak, era guztietako kultura- eta gizarte-ekitaldietarako
  • Gurtza-zentroetako gehieneko edukiera % 35ean mugatzea.
  • Musika- eta ahots-entseguak eta -jarduketak etetea.
  • Ostalaritza eta jatetxeen itxiera ordutegia 20:00etatik 06:00etara.
  • 500/100.000 biztanleko edo gehiagoko intzidentzia-tasa duten herrietan:
    • Ostalaritza- eta jatetxe-establezimenduak eta joko- eta apustu-establezimenduak ixtea.
    • Taldeko kirol-jarduera etetea.

LABIko Batzorde Teknikoaren arabera, "Ziurgabetasunak markatzen du egoera, eta, horregatik, joera aldatzeko murrizketa-neurri berriak aztertzen jarraitzen dugu, egunez egun.".

Hartutako prebentzio-neurriekin (maskararen nahitaezko erabilera, eskuak garbitzea, pertsonen arteko distantzia, aireztapena eta elkarbizitza-unitate bat baino gehiagoren bilerak ez egitea, batez ere barnealdeetan) zaintza ez dela jaitsi behar ohartarazteaz gain, bi lehentasun partekatu behar ditugula gogorarazi dute: "mugikortasuna murriztea eta gizarte-harremanak murriztea".

 Eibarko aireko ikuspegia.

Eibarko aireko ikuspegia.