Hasierako onarpena eman zaio 2024rako Aurrekontu Orokorrari, 50 milioi euro baino gehiagorekin
2024ko apirilaren 10ean egindako udalbatzaren ezohiko bilkuraren irudia.
Udal kontuak aurrera atera dira PSE-EEren (8) eta Eibarko EAJ-PNVren (5) aldeko botoekin. Bestalde, EH-Bildu (5) eta Elkarrekin Podemos Eibarrek (1) kontra bozkatu dute. Herritarrek 15 egun balioduneko epea izango dute aurrekontuari buruzko erreklamazioak aurkezteko, iragarkia GAOn (Gipuzkoako Aldizkari Ofiziala) argitaratu eta hurrengo egun baliodunetik aurrera.
Udalaren Osoko Bilkurak, gaur goizean egindako ezohiko bilkuran, hasierako onarpena eman die 2024ko ekitaldirako aurrekontu orokorra eta dagozkion eranskinei, 50.604.770,70 euroko zenbatekoarekin. Aurreko urtekoarekin alderatuta igo egin da, iaz 47.238.430,61 euroko zenbatekoarekin onartu baitzen.
Alkatetzaren memorian zehazten den bezala, "onartutako aurrekontua azpiegitura, instalazio eta zerbitzu berriak sortzeko eta abian jartzeko izango da, baita gaur egun eibartarrek dagoeneko badituztenak mantentzeko ere, baina baita ekonomia- eta ekoizpen-ehunari laguntzeko ere, gure hirian dugun elkarte-sare ugariari eta askotarikoari lagunduz, eta gure hiri-ingurunea etengabe hobetzeko, Eibar hiri irisgarriagoa, erosoagoa eta bizigarriagoa bihurtuz".
Udal kontuek aurrera egin dute PSE-EEren (8) eta Eibarko EAJ-PNVren (5) aldeko botoekin, eta Eibarko EH-Bilduk (5) eta Elkarrekin Podemos Eibarrek (1) kontrako botoa eman dute.
Udal aurrekontuaren dokumentazioa
Alkatetzaren memoriari buruzko dokumentuak, udal-aurrekontua kapituluka, diru-sarreren eta gastuen aurrekontua eta dirulaguntza izendunei buruzko eranskina eskuragarri daude jada "2024ko aurrekontua" izeneko udal-webgunean.
Iragarkia Gipuzkoako Aldizkari Ofizialean (GAO) argitaratu eta hurrengo egun baliodunetik aurrera, herritarrek 15 egun baliodun izango dituzte erreklamazioak aurkezteko, eta aurrekontua behin betiko onartutzat joko da, baldin eta erakustaldiaren amaieran ez bada ezer aurkeztu.