Berreibar

Berreibar Ekimen Kulturalaren barruan hitzaldi egitarau zabal bat antolatu da, aurretik egin izan diren hainbat hitzaldiei jarraipena emateko asmoz. Helburu nagusia Eibarko kultura industriala ezagutu eta zabaltzea da, beti ere diziplina ezberdinen begirada jasoaz: ekonomilariak, historiadoreak, arkitektoak, enpresa-gizonak… Egitarauak iraganari begiratzen dio neurri batean, beharrezkoa baita haren ezagutza oraina ulertzeko. Datozen hilabeteetan Eibarko etorkizunaz jarduteko saioak izando dira.