Benigno Plazaolaren argazki funtsa digitalizatzeko lankidetza hitzarmena sinatu dute Udalak eta Eibar Kirol Elkarteak

Miguel de los Toyos Eibarko alkateak eta Amaia Gorostiza Eibar Kirol Elkarteko presidenteak Benigno Plazaola argazki funtsaren digitalizazioari buruzko lankidetza hitzarmena sinatu zuten atzo, azaroak 11, astelehena; 60.000 irudi baino gehiago ditu, 40ko eta 80ko hamarkadetakoak. Ipuruako Futbol Zelaiko The Club Aretoan egin zen ekitaldian, gainera, Eibarko SD Fundazioko kideak, Udal Artxiboko arduraduna eta udal idazkaria egon ziren.

Hitzarmen horri esker, Benigno Plazaola argazkilariak ez ezik, garai hartako lekukoek -Javier eta Antonio Agirresarobe- eta Martin Romarate eta Javier Fernandez argazkilariek ere jasotako irudien kontserbazioa eta dibulgazioa bermatuko da.

Yolanda Ruiz udal artxibozainaren hitzetan, "Funts hori benetako altxorra da Eibar Kirol Elkartearentzat, irudien %80k futbolarekin eta Eibarrekin zerikusia baitute".

Eibar Kirol Elkarteak bere gain hartuko ditu Plazaola familiak emandako materialaren digitalizazioa gauzatzeko gastu guztiak, eta bere sare sozialetan, webgunean, erakusketa ibiltarietan edo Museoan erabili ahal izango ditu irudiak. Horietan guztietan, hiriko uneak eta eibartarrenak biltzen dira lau hamarkada baino gehiagoz.

Bestalde, Eibarko Udalak konpromisoa hartzen du dokumentu hau sinatzen denetik lana amaitu arte Artxiboari sarbidea erraztea, lana behar bezala garatzen dela zaintzeko, bai eta Eibar Kirol Elkarteari kopia digital bat ematea, behar bezala erreferentziatuta, Kirol Elkarte horrek garatutako jarduerei buruzko irudiekin osatuta, eta irudi horiek 25 urtez erreproduzitzeko, banatzeko eta jendaurrean komunikatzeko eskubideari ematea elkarteari Funtsaren zabalkundea handiagoa izan dadin.