Adierazpen Instituzionala - Emakumeen Nazioarteko Eguna
Gaur, 2014ko martxoaren 7an, udal ordezkaritza duten alderdi politiko guztiak batzen dituen Eibarko udaleko Bozeramaileen Batzarrak, aho batez onartu du hurrengo Adierazpen Instituzionala
Martxoaren 8a / Emakumeen Nazioarteko Eguna nazioarteko komunitateak adostutako data da, eta ekimen horren helburua mugimendu feministak eta emakumeen elkarteen mugimenduak zein emakume eta gizonen mugimenduak berdintasuna lortzeko asmoz egindako lana aintzat hartzea da.
Emakumeen mugimenduaren ekimenak babestearen garrantzia azpimarratu nahi dugu, helburu hauek lortzeko:
a. emakumeen partaidetza soziopolitikoa eta elkarte-sarea sustatu, ahalbidetu eta babestea.
b. udal instituzioen eta herritarren arteko aliantzak sortzea, tokiko berdintasun politikak lantzeko.
c. tokiko berdintasun politikak sustatzeko orduan, emakumeak eta emakumeen edota feministen mugimendu antolatua funtsezko solaskideak direla onartzea.
Eibarko udalak konpromisoa hartzen du mugimendu feminista edota emakumeen mugimendu antolatua sustatzeko, babesteko eta indartzeko, herriko bizitzan emakumeen eta gizonen arteko berdintasuna ahalbidetzeko asmoz, ETA EIBARTAR GUZTIAK GONBIDATZEN DITU EMAKUMEEN NAZIOARTEKO EGUNERAKO ANTOLATU DIREN EKINTZETAN PARTE HARTZERA.