Edukira salto egin | Salto egin nabigazioara

Zuhaitz eguna - Bertako zuhaitzak landatzeko jardunaldia

Eibarko Udaleko Ingurumen Sailak, Eibarko Klub Deportiboarekin, Eibarko Baso Biziak elkartearekin eta Lurgaia Fundazioarekin elkarlanean, Zuhaitz Eguna antolatu du otsailaren 19rako, igandea, zuhaitz-landaketaren bidez.

Zuhaitz Egunean, aurten, 130 zuhaitz edo zuhaixka autoktono landatuko dira (haritzak, urkiak, arteak, gorostiak, otsalizarrak, elorri zuriak, basaranak, astigarrak, eatb.), Lindari izeneko lursailean, Urko mendiaren magalean, Udalak zaintza-akordio baten bidez duen lursailean. Toki horretan lehenago ere egin dira landaketak baso autoktonoa berreskuratzeko.

Jarduera honetan parte hartu ahal izateko, ezinbestekoa da aldez aurretik Lurgaia Fundazioan izena ematea, info@lurgaia.org helbidera mezu elektroniko bat bidaliz, datu hauekin: izen-abizenak, adina, e-maila, telefonoa, eta aukeratutako elkargunea.  

-  Izena emateko epea: Otsailaren 16ra arte

-  Zailtasun ertaina-handia: Malda handia eta otadiak. 12 urtetik gorakoentzat.

-  Topaguneak:

  • 9:30 - 1. Topagunea: Eibarko Klub Deportiboa (Toribio Etxebarria kalea, 16)
  • 10:00 - 2.Topagunea: Amaña Ikastetxea (Artegieta kalea, 5)
Zer
Noiz 2023/02/19
09:30 - 13:30
Non Lindari
Hitzordua egutegira gehitu vcal formatuaren ikonoa vCal ical formatuaren ikonoa iCal