Edukira salto egin | Salto egin nabigazioara

Urkizu, Azitain eta Amañako hiri-altzari batzuetan egindako pintadak eta grafitiak kentzeko eskaera egiteko epea zabalik urriaren 27ra arte

2017/10/25
Eskabidea egiteko inprimakia Pegoran, Herritarrentzako Zerbitzurako Bulegoan egongo da eta www.eibar.eus. udalaren webgunean.

Eibarko Udalak kanpaina berezi bat jarri behar du abian, auzoka, herriko horma, altzari eta eraikinen fatxadetako grafiti eta pintaketak ezabatzeko. Kanpaina hau egitea erabaki da ikusita zelan hazi diren halako pintadak eta grafitiak herrian.

Hiri-altzarietan egindako pintadak eta grafitiak kentzeko, Udala harremanetan jarri da herritarrekin ohar baten bidez; lehen jakinarazpena urriaren 9an jarri zen Urkizu, Azitain eta Amañako pegora batzuetan, herritarrek berek —fatxadetan pintadarik egonez gero— Udalera jo eta pintaketak ezabatzea eskatzeko. Auzo horietako jabeek edo komunitateko auzokideek egin ahalko dute eskaera, 2017ko urriaren 9tik 27ra. Ondorengo kaleetako bizilagunek egingo ahal izango dute eskaera urriaren 27ra arte: Amaña, Artegieta, Asola-Igartza, Asua-Erreka (1-3 etxebizitzak), Azitain-bide, Barakaldo, Barrena, Bustindui-tarren, Eguzki-Begi, Carlos Elgezua, Carmen, Murrategi, Tiburzio Anitua, Urkizu Pasealekua, Wenceslao Orbea eta Ciriaco Aguirre.

Eraikinaren jabea edo komunitateko ordezkaria PEGORAra joan beharko da, Herritarren Zerbitzurako Bulegora, eskaera-inprimakia betetzera. Pintaketaren argazki batekin edo inprimatutako irudi koloretako batekin batera entregatu beharko dute. Eskaera-inprimakia www.eibar.eus udalaren webgunean ere eskuragarri dago.

Erlazionatutako elementuak: