Udalak pantaila bat jarriko du Untzagan Atletico Madrilen eta Realaren arteko finalerako

Eibarko Udalak pantaila erraldoi bat jarriko du Untzaga plazan, Atletico Madrilek eta Realak larunbatean (hilak 18), 21:00etan, jokatuko duten finala zuzenean jarraitzeko, herritarrek partidaz gozatzeko aukera izan dezaten herriko erdiguneko espazio publiko batean.

Pantaila 5 x 2,8 metrokoa izango da eta Untzaga plazan jarriko da, non aurreikusten den partidan zehar zale ugari bilduko direla. 

Izan ere, Eibarko bi jokalari arituko dira finalean: Mikel Oyarzabal eta Ander Gorrotxategi, eta horrek beste pizgarri bat ematen die finala interes bereziarekin jarraituko duten herritar askori.