'Gurasoak Martxan' ekimeneko jardueretan parte hartzeko inskripzio guztiak onartu dira

Gurasoak Martxan ekimeneko jardueretan parte hartzeko inskripzio denak onartu egin dira. Lehenengo jarduera, "Eskumen emozionalak" deritzona, azaroaren 9an eta 17an izango da Portaleako Kultura Etxean (2. solairuan), 18:30etik 20:30era. Bertan landuko diren edukiak honako hauek dira: adimen emozionala; seme-alabak ulertzea; jokuaren garrantzia; beldurrak eta kezkak haurtzaroan; haserrea nola kudeatu eta afektibitatea hezitzen.