Eibarrek urriaren 30era arte luzatu du 'Umeak Eskolara' eta 'Dirulaguntzak' Ikasleei dirulaguntzak eskatzeko epea
Eibarko Udalak 2026ko urriaren 30era arte luzatu du Umeak Eskolara eta Dirulaguntzak Ikasleei laguntza-programetarako eskaerak aurkezteko epea. Programa horien helburua da familiei eta ikasleei ikasturte-hasierako gastuei aurre egiten laguntzea eta tokiko merkataritzako erosketak sustatzea.
Laguntzen gehieneko zenbatekoa 70 eurokoa da onuradun bakoitzeko. Arropa, oinetakoak, eskola-materiala (testuliburuak izan ezik), betaurrekoak, ukipen-lenteak eta kirol-ekipamendua erosteko erabil daitezke, betiere erosketak Eibarko dendetan egiten badira.
Umeak Eskolara programa 2011ko urtarrilaren 1etik 2024ko abenduaren 31ra bitartean jaiotako haurrak dituzten familiei zuzenduta dago. Haur horiek Eibarren erroldatuta egon beharko dute etenik gabe, 2026ko urtarrilaren 1etik maiatzaren 31ra bitartean.
Bestalde, Dirulaguntzak Ikasleei programa 2001eko urtarrilaren 1etik 2010eko abenduaren 31ra bitartean jaiotako ikasleei zuzenduta dago, baldin eta deialdiaren oinarrietan jasotako ikasketak egiten badituzte eta Eibarren erroldatuta egon badira etenik gabe 2026ko urtarrilaren 1etik maiatzaren 31ra bitartean.
Eskaerak Udalak Errebal Plazian ipini duen bulegoan aurkeztu behar dira. Interesdunek programa bakoitzaren orrialdeetan kontsulta ditzakete baldintzak eta beharrezko dokumentazioa:
Eskaerak aurkezteko epe berria: 2026ko urriaren 30era arte.
