Eibarrek bat egingo du Euskadiko Memoriaren Egunarekin

Azaroaren 10ean, igandea, Memoriaren Eguna ospatzen da Euskadin, terrorismoaren eta indarkeriaren biktimen omenez. Hori dela eta, Eibarko Udalak herritarrentzako bi ekitaldi antolatu ditu.

Lehena Untzagan izango da 12:00etan, eta minutu bateko isilunea egingo da. Gero, 12:05ak inguruan, omenaldia egingo zaie biktimei udaletxeko patio nagusian.

Eibarko Udalak eibartar guztiak gonbidatzen ditu ekitaldi hauetan parte hartzera, biktima guztiak oroitzeko.