GIDATU - Lan-aukerak sortzen

ASMOAREN HELBURUA:

• Autonomia pertsonala eta integrazio komunitarioa sendotzea. Sarean jardutea udalerriko hainbat eragilerekin batera.
• Lana bilatzen laguntzeko ibilbide pertsonalizatua egitea.
• Gaitasun pertsonalak hobetzea. Prestakuntza-baliabideak eskaintzea.
• Merkataritza alorrean aritzeko lan-gaitasunean prestatzea.
• Pertsonei laneratzen laguntzea.

BETE BEHARREKO BALDINTZAK:

• Langabezian egotea.
• 25 urte edo gehiago eta 55 urte baino gutxiago izatea.
• Familia-kargak izatea.
• Eibarren erroldatutakoa izatea.
• Gaztelaniaz, mintzatuan eta idatzian, ulermen maila egokia izatea.
• Honako baldintza hauetako bat betetzea:
  • Diru-sarrerak bermatzeko errenta jasotzea (DBE).
  • Kualifikazio eskasa edo kualifikaziorik ez izatea.
  • Denbora luzeko langabea izatea.

AURKEZTU BEHARREKO DOKUMENTAZIOA:

Eskaerak PEGORAn aurkeztu behar dira. Eskaerak aurkezteko azken eguna: uztailak 14.

Hauek dira aurkeztu behar diren dokumentuak:

• GIDATU - Lan-aukerak sortzen programan parte hartzeko eskaera behar bezala beteta.
• Familia-liburuaren fotokopia.
• LANBIDEk egindako ziurtagiria/txostena langabe gisa inskribatuta egondako aldiei buruzkoa.
• Curriculum vitae eguneratua.
• Diru-sarrerak bermatzeko errenta jasotzen egonez gero, hori egiaztatzen duen dokumentua.

PROGRAMAREN GARAPENA:

1.- PARTE-HARTZAILEAK AUKERATZEA.

2.- BANAKAKO ETA TALDEKAKO JARRAIPENA.

      a) Diagnostiko espezializatua.

      b) Laneratzeko plan pertsonala.

3.- AHALDUNTZE-EKINTZAK.

     a) Adimen emozionala.

     b) Estresaren kudeaketa.

     c) Denboraren kudeaketa.

4.- LANERAKO PRESTAKUNTZA ETA PRAKTIKAK.

     a) Kutxa-eragiketak produktuak saltzean eta birjartzean.

     b) Lanekoak ez diren praktikak.

5.- LANERATZE-PROZESUAN LAGUNTZEA.

      a) Prozesu osoan zehar laguntzea.