Tramiteak online egiteko laguntza

¿Zer da E-Administrazioa?

E- Administrazioak Eibarko Udalarekin tramiteak Internet bidez egitea ahalbidetzen du. Zerbitzu berri hau aurretik zeuden tramitazio modu biei gehitu zaie, aurrez-aurrekoari eta telefono bidezkoari (010 - 943 708400).

Eibarko Udalak, dagoeneko, zenbait tramitazio eskaintzen ditu online eta, pixkanaka, hiritar zein enpresek Udalarekin egin ditzaketen tramite eta eskaera guztien katalogoa webgunean sartzen joango da.

NIRE TRAMITEAK atalean sartzen bazara -ziurtagiri elektroniko aitortu batekin, NAN elektronikoarekin edo IZENPEk egindako hauetako batekin: ONA txartela, entitateen ziurtagiria, hiritarren ziurtagiria- hauxe izango da egin ahal izango duzuna:

  • Oraindik egiteke dituzun tramiteak edo izapideak kontsultatzea, baita epemuga dutenak ere.
  • Udalak bidalitako jakinarazpen elektronikoak onartzea edo ezeztatzea.
  • Espedienteak kontsultatzea, eskaera-egilea zu zeu bazara edo beste norbaiten izenean badiharduzu ere: amaituta dauden ala ez dauden jakitea, zein fasetan dauden ikustea, tramitatzean sortu diren dokumentu guztiak kontsultatzea, jardunbide edo prozedura jakin batean jakinarazpen modua aldatzea...
  • Hainbat prozedurari ekitea bertatik, lineatik.
  • Eibarko udalak izenpe elektroniko bidez berak egiten dituen dokumentuen osotasuna eta zinezkotasuna egiaztatzeko, dokumentuak egiaztatzeko atalean sartzeko aukera izango duzu.
  • Zure datuak kontsultatzea eta, nahiez gero, aldatzea.

 

Zer behar da Eibarko Udalarekin tramiteak Internet bidez egiteko?

 

1. Ziurtagiri baliodun bat edukitzea

Udalarekin tramiteak online egin ahal izateko beharrezkoa da segurtasunaren eta isilpekotasunaren bermea duten ziurtagiri elektronikoak edukitzea.

Ziurtagiri horien bidez dokumentuak telematikoki sina daitezke, eskuz egindako sinadura baten antzekoa da, segurtasun eta balio legal bera baitu.

“Digitalki” sinatzen duzun bakoitzean zure PIN edo gako pertsonala sartu beharko duzu (pantailan). Kutxazain automatiko batean dirua ateratzeko egin behar den prozedura bezalakoa da.

Honakoak dira Eibarko Udalak egun onartzen dituen ziurtagiri elektronikoak:

  • NAN elektronikoko ziurtagiria. Informazio gehiago jasotzeko edo zauden lekutik hurbilen dagoen jaulkitze bulegoa zein den jakiteko, sakatu hemen.
  • IZENPEk (Euskal Administrazioaren zerbitzura dagoen Ziurtapen Enpresa) jaulkitako ziurtagiriak: ONA txartela, Entitateena, Herritarra. Txartel horiek Eusko Jaurlaritzak landu ditu. Informazio gehiago jasotzeko sakatu hemen. IZENPEren herritar txartela PEGORAn, hiritarren zerbitzurako bulegoan, edo IZENPEren edozein bulegotan eska daiteke. 

 

Ziurtagiri bakoitzak balio epe jakin bat du. Iraungitze data txartelean bertan dago adierazita.

 

2. Ordenagailuak txip-txartelen irakurgailua edukitzea

“Txarlelen irakurgailu” hau USB “zirrikitu” batetara konektatu behar da, oso modu errazean, arratoiarekin egiten den bezala. Halere, azken belaunaldiko ordenagailu gehienek instalatuta daukate irakurgailu hori, PCan edo teklatuan. Txarlelen irakurgailuak informatika dendetan daude salgai.

Batzuetan software berezi bat instalatzea beharrezko izan liteke txip-txartelak irakurtzeko.

 

3. Sinadura elektronikoa kudeatzeko software bat instalatuta edukitzea

Sinadura elektronikoaren funtzionamendurako beharrezkoa da software bat (programa informatiko bat) zure ordenagailuan instalatuta edukitzea. Programa informatiko hori IZENPEren webgunean bertan deskarga daiteke. Software horrek IZENPE txartela eta NAN elektronikoa erabiltzea ahalbidetzen du. 

 

 

Nola ekin Internet bidezko tramite bati?

1. Aukeratu egin nahi duzun tramitea

Udalaren web gunean TRAMITEAK eta ZERBITZUAK / UDAL TRAMITEAK atalera jo, eta egin nahi duzun tramitea aukeratu, dagokion informazioa kontsultatu (epeak, betebeharrak, aurkeztu beharreko dokumentazioa…) eta ziurtatu tramite hori Internet bidez egin daitekeela.

 

2. Prestatu erantsi beharreko dokumentazioa

Presta ezazu, formatu digitalean, eskaerari erantsi beharreko dokumentazioa. Inprimakiak erantsi behar izanez gero, erantsi aurretik ireki, bete eta gorde egin beharko dituzu.

 

3. Internet bidezko tramiteari ekin 

Internet bidezko tramiteari ekin aurretik, ziurtatu, tramitea egiteko beharrezkoa den dokumentazio guztia prest daukazula formatu digitalean.

Dokumentazio guztia formatu digitalean badaukazu, sakatu tramitea Internet bidez hasteko ikonoa. Aplikazioak beste plataforma batera bidaliko zaitu (Udalarenera, nahiz Gipuzkoako Aldundiarenera), eta prozedura tramitatzeari bertan ekin ahal izango diozu

Zure IZENPE txartela edo NAN elektronikoa irakurgailuan sartu beharko duzu eta aplikazioak hala eskatzen dizunean, zure PIN edo gakoa sartu beharko duzu.

Dokumentu bat “digitalki” sinatzen duzun bakoitzean zure PIN edo gako pertsonala sartu beharko duzu (pantailan).