Kirola familian

2-5 urte bitarteko haurrek eta beren familiek elkarrekin jolasteko gunea.

Espazioaren erabilera irekia da guraso guztientzat beti ere haurrak 2-5 urte bitartekoak izanez gero. Arautegi bat sinatzeko baldintza izango dute. Arautegia sinatzen duten familiek, ikasturtean zehar, gutxienez zerbitzuan  egun bateko ardura hartu beharko dute. Arautegi honek dituen ezaugarriak oinarrizko funtzionamendu on bat izateko asmoarekin aurkezten da.

 

Ez da kiroldegiko bazkide izan behar, sarrera librea izango litzateke familientzat, unibertsala.

 

Zerbitzua zabaltzeko ezinbestekoa da gurasoen inplikazioa, zerbitzuaren irekiera arduradunaren esku gelditzen baita. Arduradunik egon ezean egun horretan zerbitzua ez da zabaltzen. Arduradunaren lana erraza da. Honek dira pausorik esanguratsuenak:

  • Kiroldegiko atezaintzan karpeta urdina eskatu.
  • Etortzen direnei galdetu arautegia sinatuta duten edo ez.
  • Ez badaukate, arautegia bete eta karpeta urdinean gorde.
  • Baldin badaukate, estatistika orritxoan apuntatu eta listo
  • Estatistikako orritxoan zenbatu behar dira familiak, haurrak eta gurasoak.
  • Arautegia betearazten saiatu, ez laga jaten, pilota handiarekin ez laga jokatzen (saskibaloiko handiak adibidez), squash-eko aretotan ez laga sartzen, ….. zentzudun jokatzearekin nahiko da.
  • Karpeta urdinean ere azaltzen dira eman beharreko pausuak, lagungarria izan ahal da.

Arduraduna dagoen edo ez jakiteko edota arduradun lana bete nahi duen guraso batek asteburu konkretu baten kontsultatu nahi badu ondoko estekan klikatu behar du:

 

Kirola familian arduraduna dagoen kontsultatu

 

Arduradun lana bete nahi baduzu gazteria@eibar.eus helbidera email bat idatzi nor zaren eta ardura zein egunetan bete nahi duzun esanaz. Kontuan hartu ostirala baino lehenago idatzi behar duzula.