Liburutegian helduentzat antolatzen diren jardueretan parte hartzeko izen-ematea zabalik
"Harixa emoten" euskarazko Irakurketa kluba, gaztelerazko Irakurketa kluba eta "Meetings at the Library", ingelesa praktikatzeko bileretan parte hartzeko izen-ematea zabalik dago dagoeneko
Uda pasa ondoren, Liburutegiak hainbat jarduera jarri nahi ditu martxan eta hauetan parte hartzeko izen-ematea zabaldu du.
1. Idazlearekin harixa emoten, euskarazko irakurketa kluba da eta …eta kitto! Euskara Elkartearekin elkarlanean eta Antxon Narbaizaren laguntzarekin burutzen da.
Azalpena eta helburuak: Jarduera honetan, idazleak bere liburua irakurri duten irakurleei haren gaineko ideiak, esperientziak eta bizipenak elkartrukatzeko aukera eskainiko die, aurrez aurreko solasaldien bitartez.
Noiz: hilean behin, astearteetan. Ordua: 19:00 – 20:00, Portalean.
Liburuak: Solasaldian parte hartuko duen bakoitzari liburua lortzeko konpromisua hartzen du Liburutegiak. Horretarako, aldez aurretik izena eman behar da Liburutegian.
Izen-ematea: Uztailaren 11tik irailaren 7ra. Juan San Martin Liburutegian, telefonoz (943 70 84 37) edo e-mailez (liburutegia@eibar.eus)
Euskaraz eta doan
Partaide kopurua: Gehien jota 20 pertsona onartuko dira taldean. Gehiago izanez gero, zozketa egingo da.
Programari hasiera emateko, Anjel Lertxundi izango dugu gurekin, Zu liburuaren gainean jarduteko.
Informazio gehiago hemen.
2. Gaztelerazko Irakurketa kluba
Aldez aurretik aukeratutako liburuez jarduteko saioak hilero. Saioak Peru Magdalenak koordinatu eta dinamizatuko ditu, eta partehartzaileei liburuak irakurtzeko aholku eta jarraibideak emango dizkie.
Izen-ematea: Irailaren 1etik 14ra, Liburutegian, telefonoz edo e-mailez). 20 pertsona baino gehiagok ematen badute izena, zozketa egingo da.
Hartzaileak: 16 urtetik gorakoak.
Non eta noiz: Portalean, hilero. Urriaren 11n hasiko da (Irati Jimenez, Nora), hileko bigarren astearteetan.
Ordutegia: 19:00etatik 20:00ra
Jardueraren prezioa: Dohainik. Behin izena emanez gero, saioetara etortzeko konpromisua eskatzen da.
Gazteleraz
Argibide gehiago gure blogean.
3. Meetings at the Library
Hizkuntzak praktikatzeko aldizkako bilerak antolatuko dira jarduera honetan. Liburutegia ingelesa praktikatu nahi duten pertsonak gaur eguneko edozein gai komentatzeko aitxakiaz biltzeko topalekua izango da.
Izen-ematea: Irailaren 1etik 7ra, Liburutegian, telefonoz edo e-mailez
Dinamizatzailea: Karolina Baskaran, Deustoko Unibertsitateko ikaslea
Egutegia eta ordutegia: Aurrerago zehaztuko zaie interesatuei