Ego Ibarra 2016: Batzordearen urteko egitekoa herriko ikerlari gazteen lanetan sustraituko da
Eibar 1950-1970. Argazkilariak: Eli Lakuesta + Gorka Castrillo
Industria-ondarea, Eibar 1950etik 1970era birfotografiatuta, Untzaga plazaren 1886tik 1986ra bitarteko bilakabidea: horiek dira aurtengo zereginak, herriko ikerlariek abiarazi eta Ego Ibarrak gidatu eta babestutakoak.
Eibarren dagoen industria-ondarea sakon ikertzen ari da Mikel Aparicio arkitekto eibartarra; aurtengo ekitaldian, labur esateko, Artxiboko datuak biltzen jarraituko du, arkitektoen artxiboko pertsonalak arakatuko ditu eta hainbat eraikin bisitatuko ditu (argazkiak atera, planoak jaso, eraikinaren azterketa eta kontserbazio-egoera), baita matrikula industrialen azterketa ere.
“Eibar birfotografiatu: 1950-1970” Gorka Castrillo eibartarraren ikerketak sasoi garrantzitsu horretako herriko argazkiak gaur eguneko argazkiekin kontrajarriko ditu, argazkien historia idatziz.
Eta azkenik, Javier Martinen “Untzaga plazaren bilakabidea 1896-1986” lana dugu, plazak mende horretan jaso izan dituen aldaketa guztiak zehatz-mehatz islatzen dituena. Aurten, prestalana hasiko da 2017an kaleratzeko, batik bat, gazteei zuzenduta.